തിരുവനന്തപുരം: ക്രൈം നന്ദകുമാര്‍ കസ്റ്റഡിയില്‍. ആരോഗ്യ മന്ത്രി വീണാ ജോര്‍ജിന്റെ അശ്ലീല വീഡിയോ നിര്‍മ്മിക്കാന്‍ കൂട്ട് നില്‍ക്കാന്‍ തന്നെ നിര്‍ബന്ധിച്ചെന്ന ജീവനക്കാരിയുടെ പരാതിയിലാണ് നടപടി. കഴിഞ്ഞ വര്‍ഷം, മന്ത്രി വീണാ ജോര്‍ജിനെതിരെ അപകീര്‍ത്തികരമായ പരാമര്‍ശം നടത്തിയതിന് ക്രൈം നന്ദകുമാര്‍ എന്നറിയപ്പെടുന്ന ടി.പി. നന്ദകുമാറിനെ അറസ്റ്റ് ചെയ്തിരുന്നു. ചോദ്യം ചെയ്യാന്‍ വിളിപ്പിച്ച ശേഷമാണ് കാക്കനാട് സൈബര്‍ പൊലിസ് അറസ്റ്റ് ചെയ്തത്.

സ്വര്‍ണക്കടത്ത് കേസ് പ്രതി സ്വപ്‌ന സുരേഷ് അടുത്തിടെ മുഖ്യമന്ത്രിക്കും കുടുംബത്തിനും എതിരെ നടത്തിയ വെളിപ്പെടുത്തലുകള്‍ക്ക് പിന്നില്‍ പി.സി.ജോര്‍ജും നന്ദകുമാറും ആണെന്ന് ആരോപണം ഉയര്‍ന്നിരുന്നു. നന്ദകുമാര്‍ ഇത് നിഷേധിച്ചെങ്കിലും സ്വപ്‌നയെയും ക്രൈം നന്ദകുമാറിനെയും കൊച്ചിയില്‍ വച്ച് കണ്ടെന്ന് പിന്നീട് പി.സി.ജോര്‍ജ് സ്ഥിരീകരിച്ചിരുന്നു.