തിരുവനന്തപുരം
ലോകകേരള സഭയുമായി ബന്ധപ്പെട്ട്  എം.എ യൂസുഫലി പറഞ്ഞത് അദ്ദേഹത്തിൻ്റെ അഭിപ്രായമാണെന്ന് മുസ് ലിം ലീഗ് സംസ്ഥാന അധ്യക്ഷന്‍ പാണക്കാട് സയ്യിദ് സാദിഖലി ശിഹാബ് തങ്ങള്‍. അദ്ദേഹം ഏറെ ആദരണീയനായ വ്യക്തിയാണെന്നും തങ്ങൾ പറഞ്ഞു.

പ്രതിഷേധം എന്ന നിലയ്ക്കാണ് യു.ഡി.എഫ് നേതാക്കള്‍ ലോകകേരള സഭയില്‍ നിന്ന് വിട്ടു നിന്നത്. എന്നാല്‍ ലീഗിൻ്റേത് ഉള്‍പ്പെടെയുള്ള പ്രവാസി സംഘടനകള്‍ ലോകകേരള സഭയില്‍ പങ്കെടുത്തു. ലോകകേരള സഭയില്‍ പങ്കെടുക്കാന്‍ ഏറ്റവും അനുയോജ്യരും പ്രവാസി സംഘടനകളായിരുന്നുവെന്നും വാർത്താസമ്മേളനത്തിൽ തങ്ങള്‍ പറഞ്ഞു.

നിയമസഭയില്‍ വാക്കൗട്ട് നടത്തുന്നത് പോലെയാണ് യു.ഡി.എഫ് ലോകകേരള സഭയില്‍ നിന്ന് വിട്ടു നിന്നതെന്ന് മുസ് ലിം ലീഗ് ദേശീയ ജനറല്‍സെക്രട്ടറി പി.കെ കുഞ്ഞാലിക്കുട്ടി പറഞ്ഞു.സംസ്ഥാനത്ത് ഇനി വരാനിരിക്കുന്നത് യു.ഡി.എഫിൻ്റെ കാലമാണ്. തൃക്കാക്കര ഉപതെരഞ്ഞെടുപ്പ് ഫലം അതാണ് ചൂണ്ടിക്കാണിക്കുന്നതെന്ന് അദ്ദേഹം പറഞ്ഞു.