കളമശേരി: മൊബൈല്‍ ഷോപ്പ് തകര്‍ത്ത് ഉടമയെ മര്‍ദ്ദിക്കുകയും നാലായിരം രൂപ കവരുകയും ചെയ്ത അഞ്ചംഗ സംഘത്തിലെ  ഒളിവില്‍ പോയ രണ്ട് പേരെ ഒമ്പത് മാസങ്ങള്‍ക്ക് ശേഷം പിടികൂടി.
ചേരാനെല്ലൂര്‍ മാടത്തോട് സ്വദേശിയും കത്തിയതോട് ചൂളയില്‍ അസലത്തിനടുത്ത് വേട്ടപ്പറമ്പില്‍ വീട്ടില്‍ ജോസ് എന്ന അമ്മിണി ജോസ് ( 25), ചാലക്കുടി കൊരട്ടി മേലൂര്‍ പാലപ്പള്ളി കോളനിയില്‍ പോണേ പറമ്പില്‍ വീട്ടില്‍ അജയ് ഹാരി (ചിക്കു 27) എന്നിവരെയാണ് അറസ്റ്റ് ചെയ്തത്. സംഘത്തിലെ നേതാവായ പ്രസന്നന്‍ ഉള്‍പ്പെടെ മൂന്ന് പേരെ നേരത്തെ അറസ്റ്റ് ചെയ്തിരുന്നു. കഴിഞ്ഞ ഒക്ടോബറിലാണ് സംഭവം.