കൊച്ചി: റിട്ടയര്‍ ചെയ്ത മുതിര്‍ന്ന പൗരന്‍മാര്‍ക്കുവേണ്ടി അന്തര്‍ദേശീയ നിലവാരത്തില്‍ പൂര്‍ത്തിയാക്കിയ ബ്ലസ് റിട്ടയര്‍മെന്റ് ലിവിങ് സൗത്ത് വാഴക്കുളത്ത് പ്രവര്‍ത്തനം ആരംഭിച്ചു.
രാജഗിരി ഹോസ്പിറ്റല്‍ എക്‌സിക്യൂട്ടീവ് ഡയറക്ടര്‍ ഫാ. ജോണ്‍സണ്‍ വാഴപ്പിള്ളി ഉദ്ഘാടനം നിര്‍വഹിച്ചു. വി.പി സജീന്ദ്രന്‍ എം.എല്‍.എ ചടങ്ങില്‍ അധ്യക്ഷത വഹിച്ചു.
വാഴക്കുളം പഞ്ചായത്ത് പ്രസിഡന്റ് വിജി സണ്ണി, വാര്‍ഡ് അംഗം കൃഷ്ണകുമാര്‍, അഡ്വ. എം.ആര്‍ രാജേന്ദ്രന്‍ നായര്‍, ഡോ. എന്‍.എല്‍ ഭട്ട്, ജിജോ ആന്റണി, ലിജ ജിജോ, ബാബു ജോസഫ്, ശീതള്‍ ജിജോ എന്നിവര്‍ പ്രസംഗിച്ചു.
55 വയസ് പൂര്‍ത്തിയാകുന്നവര്‍ക്ക് തുടര്‍ന്ന് അവരുടെ അവസാനകാലം വരെ ജീവിക്കാനുള്ള സൗകര്യങ്ങളാണ് ബ്ലസ് റിട്ടയര്‍മെന്റ് ലിവിങ്ങില്‍ ഒരുക്കിയിരിക്കുന്നത്.