കാക്കനാട്:  പ്ലാസ്റ്റിക് മാലിന്യ സംസ്‌കരണവുമായി ബന്ധപ്പെട്ട് ഭരണകക്ഷിയായ എല്‍.ഡി.എഫിനെ മുസ്‌ലിം ലീഗ് അഭിനന്ദിച്ചുവെന്ന യൂത്ത് കോണ്‍ഗ്രസ് ആരോപണം അടിസ്ഥാന രഹിതമാണെന്ന്  ആരോഗ്യ സ്റ്റാന്റിങ് കമ്മിറ്റി ചെയര്‍പേഴ്‌സണ്‍ ഷബന മെഹര്‍ അലി പറഞ്ഞു. പ്ലാസ്റ്റിക് മാലിന്യ ടെന്‍ഡര്‍ വിവാദവുമായി ബന്ധപ്പെട്ട് യൂത്ത് കോണ്‍ഗ്രസ് നഗരസഭയിലേക്ക് നടത്തിയ ധര്‍ണയെക്കുറിച്ച്  കഴിഞ്ഞ ദിവസത്തെ തൃക്കാക്കര നഗരസഭാ കൗണ്‍സില്‍ യോഗത്തില്‍ ഭരണപക്ഷത്ത് നിന്നും സ്റ്റാന്റിംഗ് കമ്മിറ്റിയുടെ അധ്യക്ഷയെന്ന നിലയില്‍ തന്നോട് വിശദീകരണം ചോദിച്ചിരുന്നു. എല്‍.ഡി.എഫിന് പിന്തുണയ്ക്കുകയോ കഴിഞ്ഞ യു.ഡി.എഫ് ഭരണസമിതിയെ ആക്ഷേപിക്കുകയോ ചെയ്തിട്ടല്ല. വസ്തുതകള്‍ ശരിയായ രീതിയില്‍ മനസിലാക്കാതെയുള്ള യൂത്ത് കോണ്‍ഗ്രസിന്റെ പ്രതികരണങ്ങള്‍ ഒഴിവാക്കണമെന്നും അവര്‍ ആവശ്യപ്പെട്ടു.