ഹരിപ്പാട്: പൂട്ടി കിടന്ന വീട് കുത്തി തുറന്ന് മോഷണ ശ്രമം. ചേപ്പാട് പഞ്ചായത്ത് 12ാം വാര്‍ഡില്‍ മക്കാട്ട് കിഴക്കതില്‍ രാജേന്ദ്രന്‍പിള്ളയുടെ വീടാണ് കഴിഞ്ഞ ദിവസെ രാത്രി മോഷ്ടാക്കള്‍ കുത്തി തുറന്നത്.
വീടിന്റെ മുമ്പിലെ കതകും ജനലും തകര്‍ത്ത് അകത്ത് കയറിയ മോഷ്ടാക്കള്‍ മുറിയുടെ കതകും അലമാരയും കുത്തി തുറന്നു. അലമാരയില്‍ കവറിലാക്കി സൂക്ഷിച്ചിരുന്ന ഇമിറ്റേഷന്‍ ഗോര്‍ഡുമായി പുറത്ത് കടന്ന് സിറ്റ് ഔട്ടില്‍ ഉപോക്ഷിച്ചു. സ്വര്‍ണ്ണമല്ലെന്ന് മനസിലാക്കി ഉപേക്ഷിച്ച് കടന്നതാകാമെന്നാണ് കരുതുന്നത്.  മോഷണ ശ്രമത്തിന് ശേഷം സിറ്റ് ഔട്ടില്‍ ഇരുന്ന് ഭക്ഷണം കഴിച്ചതിന്റെ അവശിഷ്ടങ്ങളും കണ്ടെത്തി.
കരീലക്കുലങ്ങര പൊലീസ് കേസെടുത്ത് അന്വേഷണം ആരംഭിച്ചു. പൊലീസ് നായയെ വീട്ടിലെത്തിച്ച് പരിശോധിച്ചു. വീട്ടുകാര്‍ ജോലി സംബന്ധമായി ഷോര്‍ണൂരാണ് താമസം. കഴിഞ്ഞ 15നാണ് നാട്ടില്‍ വന്ന് മടങ്ങിയത്. വീട്ടില്‍ നിന്നും ഒന്നും മോഷണം പോയിട്ടില്ലെന്ന് വീട്ടുകാര്‍ പറഞ്ഞു.