മധ്യപ്രദേശ്: വിവാഹ ദിനത്തില്‍ ബുള്‍ഡോസറില്‍ വരനെ എത്തിച്ച കേസില്‍ ഡ്രൈവര്‍ക്ക് 5000 രൂപ പിഴ. മധ്യപ്രദേശിലെ ബേതുല്‍ ജില്ലയിലാണ് സംഭവം. വിവാഹാഘോഷങ്ങളുടെ ഭാഗമായി ബുള്‍ഡോസറില്‍ എത്തിയ വരന്റെ വീഡിയോ സോഷ്യല്‍ മീഡിയയില്‍ വൈറലായി മാറിയിരുന്നു.

ഇതിനു പിന്നാലെയാണ് ബുള്‍ഡോസറിന്റെ ഡ്രൈവര്‍ക്കെതിരെ മോട്ടോര്‍ വകുപ്പിന്റെ പിഴ വന്നത്. മോട്ടോര്‍ വാഹന നിയമം ലംഘിച്ചതിന് ഡ്രൈവര്‍ക്ക് 5,000 രൂപ പിഴ ചുമത്തിയതായി പൊലീസ് പറഞ്ഞു. മോട്ടോര്‍ വാഹന നിയമത്തിലെ 39/192 (1) വകുപ്പുകള്‍ ലംഘിച്ചതിനാണ് പിഴ.

ജെസിബി ഡ്രൈവറായ രവി ബരാസ്‌കര്‍ക്കെതിരെയാണ് കേസെടുത്തത്. സിവില്‍ എഞ്ചിനീയറായ അങ്കുഷ് ജയ്‌സ്വാള്‍ ആണ് വിവാഹദിനത്തില്‍ ബുള്‍ഡോസറില്‍ എത്തിയത്.

बैतूल में अंकुर जायसवाल की बुल्डोजर पर निकली बारात, जमकर थिरके बाराती। pic.twitter.com/ftggF72Add

— Devendra Singh Rathod (@DevendraBana91) June 23, 2022