തിരുവല്ലം: തിരുവല്ലം എയ്‌സ് കോളേജ് ഓഫ് എഞ്ചിനീയറിങില്‍  കലാം ഫോറം ഫോര്‍ ഇന്നവേഷന്റെ ആഭിമുഖ്യത്തില്‍ നൂതന സാങ്കേതിക വിദ്യകളെ സംബന്ധിച്ച് സെമിനാര്‍ നടത്തി.
കോളജ് പ്രിന്‍സിപ്പാള്‍  ഡോ ഫാറൂഖ് സയീദ്  ഉദ്ഘാടനം ചെയ്തു.സ്റ്റാര്‍ട് അപ് മിഷന്‍ ചെയര്‍മാനും മുന്‍ ടെക്‌നോപാര്‍ക്ക് സി.എഫ്.ഒയുമായ ഡോ കെ സി ചന്ദ്രശേഖരന്‍നായര്‍ സെമിനാറില്‍ സംസാരിച്ചു.  പുത്തന്‍ തലമുറ മറ്റുള്ളവരുടെ കീഴില്‍ ഒരു ജോലി എന്ന ആശയം ഉപേക്ഷിച്ചു കഴിഞ്ഞുവെന്നും സ്വന്തമായി നൂതന സംരഭങ്ങള്‍ തുടങ്ങുന്നതില്‍ അവര്‍ ജാഗരൂകരാണെന്നും അദ്ദേഹം പറഞ്ഞു. മൈക്രോസോഫ്റ്റ് കഴിഞ്ഞ വര്‍ഷം കേരളത്തില്‍ നടത്തിയ കാമ്പസ് ഇന്റര്‍വ്യൂവില്‍ പങ്കെടുത്ത് വിജയിച്ച രണ്ട് കുട്ടികളില്‍ ഒരാള്‍ അവരുടെ ഓഫര്‍ സ്വീകരിക്കാതെ സ്വന്തമായി കേരളത്തില്‍ തന്നെ ബിസിനസ് സംരഭം ആരംഭിച്ചത് മുഴുവന്‍ പുതുതലമുറക്കും മാതൃകയാണെന്നും അദ്ദേഹം ചൂണ്ടിക്കാട്ടി.
വിദ്യാര്‍ഥികളായ മുഹമ്മദ് ഖാലിദ്, മണികണ്ഠന്‍, എന്നിവര്‍ നൂതനാശയങ്ങളെ പ്രതിനീധീകരിച്ച് സംസാരിച്ചു.