ജനീവ: ദരിദ്ര രാജ്യങ്ങളില്‍ കൊവിഡ് വാക്‌സിന്‍ക്ഷാമം രൂക്ഷമാണെന്നും വികസിത രാജ്യങ്ങള്‍ വാക്‌സിന്‍ നല്‍കണമെന്നും ലോകാരോഗ്യ സംഘടന(ഡബ്ല്യു.എച്ച്.ഒ).

ആഫ്രിക്കയിലും മറ്റും വാകസിന്‍ ക്ഷാമം രൂക്ഷമാകുന്നത് ആഗോള പരാജയമാണ്. ആഫ്രിക്കയില്‍ മരണ നിരക്ക് 40 ശതമാനം വരെ കുതിച്ചുയരുകയാണ്. കഴിഞ്ഞ ആഴ്ചയേക്കാള്‍ ഈ ആഴ്ച മരണ നിരക്ക് കൂടി. കൊറോണ വൈറസിന്റെ ഡെല്‍റ്റ വകഭേദം ആഗോളതലത്തില്‍ പടരുന്നതിനാല്‍ വളരെ അപകടകരമായ സാഹചര്യത്തിലാണ് ഈ രാജ്യങ്ങളെന്ന് ലോകാരോഗ്യ സംഘടനാ ഡയറക്ടര്‍ ജനറല്‍ ടെഡ്രോസ് അഥനോം ഗബ്രിയേസസ് പറഞ്ഞു. എച്ച്.ഐ.വി വൈറസ് പ്രതിസന്ധിയുടെ കാലത്തെ സാഹചര്യമാണ് ഇപ്പോഴുള്ളത്. ആഫ്രിക്കന്‍ രാജ്യങ്ങള്‍ക്ക് സങ്കീര്‍ണമായ ചികിത്സ ഉപയോഗിക്കാന്‍ കഴിയില്ലെന്നായിരുന്നു അന്ന് വികസിത രാജ്യങ്ങളുടെ നിലപാട്.

ലോകരാജ്യങ്ങളുടെ നിലപാട് നീതിരഹിതവും തുല്യതയില്ലാത്തതുമാണ്. വികസ്വര രാജ്യങ്ങള്‍ ഇക്കാര്യത്തില്‍ വികസിത രാജ്യങ്ങളേക്കാള്‍ മെച്ചമാണെന്നും സംഘടന പറഞ്ഞു.