ധര്‍: മധ്യപ്രദേശിലെ ധറില്‍ ബസ് നദിയിലേക്കു മറിഞ്ഞ് 13 പേര്‍ മരിച്ചു. തിങ്കളാഴ്ച രാവിലെയാണ് സംഭവം. പതിനഞ്ചു പേരെ പരിക്കുകളോടെ രക്ഷിച്ചു. രക്ഷാ പ്രവര്‍ത്തനം തുടരുകയാണ്.

മഹാരാഷ്ട്ര റോഡ്‌വെയ്‌സിന്റെ ബസ്സാണ് അപകടത്തില്‍ പെട്ടത്. ഇന്‍ഡോറില്‍നിന്നു പൂനെയിലേക്കു വരികയായിരുന്ന ബസ് നര്‍മദ നദിയിലേക്കു മറിയുകയായിരുന്നു. പാലത്തിന്റെ കൈവരി തകര്‍ത്താണ് ബസ് പുഴയില്‍ വീണത്.