ദുബൈ: ദുബൈയില്‍ ഗോള്‍ഡന്‍ വീസക്കാര്‍ക്ക് വീണ്ടും ആനുകൂല്യങ്ങള്‍.
ദുബൈ പൊലിസിന്റെ ഇസാദ് പ്രിവിലേജ് കാര്‍ഡാണ് സൗജന്യമായി വീസക്കാര്‍ക്ക് ലഭിക്കുക. വിവിധ രാജ്യങ്ങളിലെ സ്ഥാപനങ്ങളില്‍ ഇളവ് ഉള്‍പ്പെടെ ആനൂകൂല്യങ്ങള്‍ ലഭ്യമാക്കുന്നതാണ് ഇസാദ് കാര്‍ഡ്.
ആരോഗ്യം, വിദ്യാഭ്യാസം, റിയല്‍എസ്റ്റേറ്റ്, റെസ്റ്റോറന്റ് തുടങ്ങി വിവിധ മേഖലകളില്‍ കാര്‍ഡിലൂടെ പ്രത്യേക ആനുകൂല്യങ്ങള്‍ ലഭിക്കും.ദുബൈയില്‍ ഗോള്‍ഡന്‍ വീസയുള്ളവര്‍ക്കും, അഞ്ചുവര്‍ഷത്തെ ഗ്രീന്‍ വീസയുള്ളവര്‍ക്കും ഈ പ്രിവിലേജ് കാര്‍ഡ് സൗജന്യമായി ലഭ്യമാക്കുമെന്ന് സര്‍ക്കാര്‍ അറിയിച്ചു.ലോകത്തെമ്പാടും 92 രാജ്യങ്ങളിലും ഇസാദ് കാര്‍ഡിന്റെ ഇളവകള്‍ ലഭിക്കും. ഇതുവരെ വിവിധ മേഖലയില്‍ മികവ് പുലര്‍ത്തുന്ന 65,000 പേര്‍ക്കാണ് ദുബൈയില്‍ ഗോള്‍ഡന്‍ വീസ നല്‍കിയത്.