ഷാര്‍ജയില്‍ ബലിപെരുന്നാളിനോടനുബന്ധിച്ച് നടക്കുന്ന 10 ദിവസത്തെ മെഗാ സെയില്‍സ് ഫെയര്‍ എക്‌സ്‌പോ ആരംഭിച്ചിട്ടുണ്ട്. ജൂലൈ രണ്ട് വരെ നീളുന്ന ഈ എക്‌സ്‌പോയിലൂടെ 80 ശതമാനം വരെ കിഴിവില്‍ ബ്രാന്‍ഡഡ് ഉത്പന്നങ്ങള്‍ സ്വന്തമാക്കാനുളള അവസരങ്ങളുണ്ട്. വ്യത്യസ്ഥമായ പെര്‍ഫ്യൂമുകള്‍, ഫാഷന്‍ വസ്തുക്കള്‍, അബയകള്‍, സൗന്ദര്യവര്‍ദ്ധക ഉത്പന്നങ്ങള്‍, ഗിഫ്റ്റ് ഐറ്റംസുകള്‍, ഇലക്ട്രാണിക്‌സ് ഉത്പന്നങ്ങള്‍, എന്നിവയെല്ലാം ഈ എക്‌സ്‌പോയിലൂടെ സ്വന്തമാക്കാവുന്നതാണ്. കൂടാതെ ലോകോത്തര ബ്രാന്‍ഡുകളില്‍ നിന്നുളള വൈവിധ്യമാര്‍ന്ന നിരവധി ഉത്പന്നങ്ങളും എക്‌സ്‌പോയില്‍ ലഭ്യമാണ്.

ഇലക്ട്രോണിക്‌സ് ഉത്പന്നങ്ങളും, ഫാഷന്‍ വസ്തുക്കളും വാങ്ങാന്‍ ഉദ്ധേശിക്കുന്നവര്‍ക്ക് രാജ്യത്ത് ഏറ്റവും മികച്ച ഓപ്ഷനാണ് എക്‌സ്‌പോ എന്നാണ് എക്‌സ്‌പോയുടെ സി.ഇ.ഒയായ സെയ്ഫ് മുഹമ്മദ് അല്‍ മിദ്ഫ അഭിപ്രായപ്പെട്ടിരിക്കുന്നത്.
ജൂണ്‍ 23ന് ആരംഭിച്ച് ജൂലൈ 2ന് അവസാനിക്കുന്ന എക്‌സ്‌പോ രാവിലെ പതിനൊന്നിന് ആരംഭിച്ച് രാത്രി 11നാണ് അവസാനിക്കുന്നത്. 5 ദിര്‍ഹമാണ് എക്‌സ്‌പോക്കുളള ടിക്കറ്റ് ചാര്‍ജ്. എന്നാല്‍ 12 വയസിന് താഴെയുളള കുട്ടികള്‍ക്ക് സൗജന്യമായി തന്നെ എക്‌സ്‌പോ വേദിയില്‍ പ്രവേശിക്കാന്‍ സാധിക്കും. പാര്‍ക്കിങ്ങും സൗജന്യമാണ്. ബലിപെരുന്നാളിനോടനുബന്ധിച്ച് ഇത് മൂന്നാം തവണയാണ് ഷാര്‍ജയില്‍ എക്‌സ്‌പോ സംഘടിപ്പിക്കപ്പെടുന്നത്.

Content Highlights:discounts of up to 80 percentage at eid al adha mega sales