പശ്ചിമബംഗാളില്‍ ചരക്കു വണ്ടികള്‍ കൂട്ടിയിടിച്ചു, നിരവധി ബോഗികള്‍ പാളം തെറ്റി; ഖരഗ്പൂര്‍ ആഗ്ര റൂട്ടില്‍ ട്രെയിന്‍ ഗതാഗതം നിര്‍ത്തി

ബങ്കുറ: പശ്ചിമ ബംഗാളില്‍ ചരക്കു വണ്ടികള്‍ കൂട്ടിയിടിച്ചു. പശ്ചിമ ബംഗാളിലെ ബാങ്കുറയിലെ ഓന്‍ഡ സ്റ്റേഷനില്‍ ഞായറാഴ്ച പുലര്‍ച്ചെ നാലുമണിയോടെയാണ് അപകടമുണ്ടായത്. ഒരു ട്രെയിന്‍ മറ്റേ ട്രയിനിന്റെ പുറകില്‍ ഇടിക്കുകയായിരുന്നു. ആളപായമൊന്നും റിപ്പോര്‍ട്ട് ചെയ്തിട്ടില്ല. 12ഓളം ബോഗികള്‍ പാളം തെറ്റി.

ബോഗികള്‍ എല്ലാം കാലിയായിരുന്നുവെന്ന് റെയില്‍വേ ഉദ്യോഗസ്ഥര്‍ പറഞ്ഞു. അപകടത്തിന്റെ കാരണം വ്യക്തമല്ല. ഖരഗ്പൂര്‍ ആഗ്ര റൂട്ടില്‍ ട്രെയിന്‍ ഗതാഗതം നിര്‍ത്തി വെച്ചിരിക്കുകയാണ്.