നിയമം ലംഘിച്ച് പടക്കം പൊട്ടിച്ചാൽ 50,000 ദിർഹം പിഴ; വെടിക്കെട്ട് അപകടങ്ങളെക്കുറിച്ച് മുന്നറിയിപ്പുമായി യുഎഇ

ദുബായ്: ബലി പെരുന്നാളിനോട് അനുബന്ധിച്ച് പടക്കം പൊട്ടിക്കുന്നതിന്റെ അപകടങ്ങളെക്കുറിച്ച് ഓർമിപ്പിച്ച് യുഎഇയിലെ പബ്ലിക് പ്രോസിക്യൂഷൻ. പടക്കങ്ങൾ ഉപയോഗിച്ച് കളിക്കുന്നതിന്റെ അപകടങ്ങളെക്കുറിച്ച് താമസക്കാരെ ഓർമ്മിപ്പിച്ചു.

"പടക്കം സൂക്ഷിക്കുക, പെരുന്നാൾ സായാഹ്നം സന്തോഷത്തോടെയാകും നിങ്ങൾ തുടങ്ങുന്നത്. എന്നാൽ അത് പൊള്ളലോടെ അവസാനിപ്പിക്കേണ്ടി വരരുത്" അധികൃതർ ഓർമിപ്പിക്കുന്നു.

നിയമം ലംഘിച്ച് പടക്കം പൊട്ടിച്ചാൽ കടുത്ത പിഴ ഈടാക്കുമെന്നും അധികൃതർ പറഞ്ഞു. നിയമം ലംഘിക്കുന്നവരിൽ നിന്ന് 50,000 ദിർഹത്തിൽ കുറയാത്ത പിഴയാകും ഈടാക്കുക. മറ്റു നിയമ നടപടികളും നേരിടേണ്ടി വരും.