കുവൈറ്റ് സിറ്റി: ആഭ്യന്തര മന്ത്രാലയത്തിന്റെ പൊതു സുരക്ഷാ വിഭാഗം സ്ഥിതിവിവരക്കണക്കുകൾ പുറത്തുവിട്ടു. 2022 സെപ്റ്റംബർ 1 മുതൽ 2023 മെയ് 30 വരെയുള്ള സ്ഥിതിവിവരക്കണക്കുകൾ പുറത്തുവിട്ടു. അസിമാഹ് തലസ്ഥാന ഗവർണറേറ്റ്, ഹവല്ലി ഗവർണറേറ്റ്, അഹമ്മദി ഗവർണറേറ്റ്, ജഹ്‌റ ഗവർണറേറ്റ്, ഫർവാനിയ ഗവർണറേറ്റ്, മുബാറക് അൽ-കബീർ ഗവർണറേറ്റുകളിലെ 22,212 ചെക്ക്‌പോസ്റ്റുകൾ ഉൾക്കൊള്ളുന്നുവെന്ന് അൽ-അൻബ ദിനപത്രം റിപ്പോർട്ട് ചെയ്യുന്നു.

ഇക്കാലയളവിൽ റസിഡൻസി നിയമം ലംഘിച്ച 2,695 പ്രവാസികൾക്ക് പുറമെ, നിയമപ്രകാരം 534 പേരെ അറസ്റ്റ് ചെയ്യുകയും ഇവരെ ഡീപോർട്ടാഷൻ ഡിപ്പാർട്മെന്റ്ന് (അഡ്മിനിസ്‌ട്രേറ്റീവ് നാടുകടത്തൽ വകുപ്പ്) കൈമാറി

മേജർ ജനറൽ അബ്ദുല്ല അൽ-റജീബിന്റെ നേതൃത്വത്തിലുള്ള വിവിധ മേഖലയിലെ സ്ഥിതിവിവരക്കണക്കുകൾ പ്രകാരം, നിയമലംഘകരിൽ ഭൂരിഭാഗവും ഫർവാനിയ ഗവർണറേറ്റിൽ - 878 പേരും, അൽ അസിമാ ക്യാപിറ്റൽ ഗവർണറേറ്റിൽ 580 പേരും, ബാക്കിയുള്ളവർ മറ്റ് ഗവർണറേറ്റുകളിലുമായാണ് പിടിയിലായിലായത്.

ഏറ്റവുമധികം മദ്യപാന കേസുകളുള്ളത് അഹമ്മദി ഗവർണറേറ്റിലാണ് 52 പേർ. ജഹ്‌റ, ഫർവാനിയ ഗവർണറേറ്റുകളിൽ 33 പേർ വീതം കേസുകളുമാണുള്ളത്.

കൂടാതെ, ട്രാഫിക് നിയമലംഘനങ്ങളുടെ എണ്ണം 100,169 ആയി ഉയർന്നു. ഏറ്റവും കൂടുതൽ ട്രാഫിക് നിയമലംഘനങ്ങൾ റിപ്പോർട്ട് ചെയ്തത് അഹമ്മദി ഗവർണറേറ്റ് 20,444 ആണ്. 39,432 എണ്ണം ചെറുതും വലുതുമായ വാഹനാപകടങ്ങൾ ഇക്കാലയളവിൽ നടപടിക്രമങ്ങൾ ചെയ്തു; വികലാംഗർക്കായി അനുവദിച്ച സ്ഥലങ്ങളിൽ പാർക്കിങ്ങിനായി 230 ട്രാഫിക് നിയമലംഘനങ്ങൾ കണ്ടെത്തിയിട്ടുണ്ട്.