ആലപ്പുഴയില്‍ കാറിന് തീപിടിച്ചു; തീയണച്ചപ്പോള്‍ കണ്ടത് ഡ്രൈവര്‍ സീറ്റില്‍ കത്തിക്കരിഞ്ഞ മൃതദേഹം

ആലപ്പുഴ: ആലപ്പുഴയില്‍ യുവാവിന്റെ മൃതദേഹം കാറില്‍ കത്തിക്കരിഞ്ഞ നിലയില്‍ കണ്ടെത്തി. എടത്വ തായങ്കരി ബോട്ട് ജെട്ടിക്ക് സമീപമാണ് മൃതദേഹം കണ്ടെത്തിയത്. മൃതദേഹം പൂര്‍ണമായി കത്തിക്കരിഞ്ഞ നിലയിലായിരുന്നു. ആളെ തിരിച്ചറിഞ്ഞിട്ടില്ല.

പുലര്‍ച്ചെയോടെയാണ് നാട്ടുകാര്‍ കാര്‍ കത്തുന്നത് കണ്ടത്. ഉടനെ നാട്ടുകാര്‍ പൊലിസിലും അഗ്നിരക്ഷാസേനയിലും വിവരം അറിയിച്ചു. അഗ്നിരക്ഷാസേനയെത്തി തീയണച്ചു. പിന്നാലെയാണ് മൃതദേഹം കണ്ടെത്തിയത്.

എടത്വ സ്വദേശി ജെയിംസ്‌കുട്ടിയുടേതാണ് കാര്‍. കാര്‍ കത്താനിടയായ കാരണത്തെക്കുറിച്ച് വ്യക്തതയില്ല. സംഭവത്തില്‍ എടത്വ പൊലിസ് സ്ഥലത്തെത്തി അന്വേഷണം ആരംഭിച്ചു.