ഇന്ത്യക്കാര്‍ക്ക് യു.എസില്‍ ഗ്രീന്‍ കാര്‍ഡ് അനുവദിക്കണം; ബൈഡന് കത്തെഴുതി ജനപ്രതിനിധികള്‍

വാഷിങ്ടണ്‍: ഇന്ത്യക്കാര്‍ക്ക് യു.എസില്‍ സ്ഥിര റെസിഡന്റ് കാര്‍ഡായ ഗ്രീന്‍ കാര്‍ഡിനുള്ള അപേക്ഷ പരിഗണിക്കമെന്ന് യു.എസ് ജനപ്രതിനിധികള്‍ പ്രസിഡന്റ് ബൈഡനോട് ആവശ്യപ്പെട്ടു. ജനപ്രതിനിധി സഭാംഗം രാജാ കൃഷ്ണമൂര്‍ത്തി, ലാറി ബച്ച്സണ്‍ എന്നിവരുടെ നേതൃത്വത്തില്‍ 56 അംഗങ്ങള്‍ ഒപ്പുവച്ച കത്താണ് സ്റ്റേറ്റ് സെക്രട്ടറി ആന്റണി ബ്ലിങ്കണ്‍, ഹോംലാന്റ് സെക്യൂരിറ്റി സെക്രട്ടറി അലെജാന്‍ഡ്രോ മയോര്‍കാസ് എന്നിവര്‍ക്ക് നല്‍കിയത്.

ഹൈ സ്‌കില്‍ഡ് തൊഴില്‍ വൈദഗ്ധ്യമുള്ളവരെ ആദ്യഘട്ടത്തില്‍ പരിഗണിക്കണമെന്നാണ് കത്തില്‍ പറയുന്നത്. സ്ഥിരം താമസത്തിനുള്ള അനുമതി നല്‍കുന്നതാണ് ഗ്രീന്‍ കാര്‍ഡ്. യു.എസിന് ഇന്ത്യയുമായി നൂറ്റാണ്ടിലേറെ നീളുന്ന ബന്ധമുണ്ട്. യു.എസില്‍ ഇന്ത്യയില്‍ നിന്നുള്ള നിരവധി ടെക്കികള്‍ ജോലി ചെയ്യുന്നുണ്ട്.