യാത്രക്കാരിയായ ഹിന്ദു പെണ്‍കുട്ടിയെ ഓട്ടോയില്‍ കയറ്റി; മുസ്‌ലിം ഡ്രൈവറെ ഹിന്ദുത്വര്‍ ആക്രമിച്ചു

ബെംഗലുരു: യാത്രക്കാരിയായ ഹിന്ദു പെണ്‍കുട്ടിയെ ഓട്ടോയില്‍ കയറ്റിയെന്നാരോപിച്ച് മുസ്‌ലിം ഡ്രൈവര്‍ക്ക് നേരെ ഹിന്ദുത്വരുടെ ആക്രമണം. ദക്ഷിണ കന്നട ജില്ലയില്‍ ആഗസ്റ്റ് 2നാണ് സംഭവം. രാത്രി 9 മണിയോടെ വാഹനം തടഞ്ഞ് നിര്‍ത്തിയ സംഘപരിവാര പ്രവര്‍ത്തകര്‍ ഡ്രൈവറെ ക്രൂരമായി മര്‍ദ്ദിക്കുകയായിരുന്നെന്ന് പൊലിസ് പറഞ്ഞു.

സംഭവത്തില്‍ ഉജെര്‍ സ്വദേശിയായ മുഹമ്മദ് ആഷിഖ്(22)നാണ് പരിക്കേറ്റത്. ഇയാളെ ആശുപത്രിയില്‍ പ്രവേശിപ്പിച്ചിരിക്കുകയാണ്. ഹിന്ദു പെണ്‍കുട്ടിയെ വണ്ടിയില്‍ കയറ്റിയെന്നാരോപിച്ചായിരുന്നു ആക്രമണമെന്ന് യുവാവ് പറഞ്ഞു. സംഭവത്തില്‍ കേസെടുത്ത് അന്വേഷണം ആരംഭിച്ചതായും പൊലിസ് വൃത്തങ്ങള്‍ പറഞ്ഞു.