62 expatriates were deported in Kuwait

കുവൈത്ത് സിറ്റി: മതിയായ രേഖകളില്ലാതെ, താൽക്കാലിക പാസ്‌പോർട്ടുകൾ ഉപയോഗിച്ച് കുവൈറ്റിൽ താമസിച്ചിരുന്ന 62 ശ്രീലങ്കക്കാരെ നാടുകടത്ത ത്തുകയും, കടുനായകെ ബണ്ഡാരനായകെ അന്താരാഷ്ട്ര വിമാനത്താവളത്തിൽ ഇവരെ സ്വീകരിച്ചതായി ശ്രീലങ്കൻ ഡെയ്‌ലി ന്യൂസ് റിപ്പോർട്ട് ചെയ്തു. 59 ഗാർഹിക തൊഴിലാളികളാണ് സംഘത്തിലുണ്ടായിരുന്നത്. കരാർ പ്രകാരമുള്ള ഗാർഹിക സേവന ജോലികൾ ഉപേക്ഷിച്ച് കുവൈറ്റിൽ വിവിധ ജോലികൾ ചെയ്ത് പ്രതിമാസം 250 ദിനാർ സമ്പാദിക്കുന്ന ശ്രീലങ്കൻ തൊഴിലാളികളുടെ കൂട്ടമാണ് ഈ നാടുകടത്തപ്പെട്ടവർ. ഇവരെല്ലാം താൽക്കാലിക ഭവനങ്ങളിലാണ് താമസിക്കുന്നതെന്ന് കുവൈത്തിലെ ശ്രീലങ്കൻ എംബസി വക്താവ് അറിയിച്ചു.

കുവൈറ്റിലെ ശ്രീലങ്കൻ എംബസി, ആഭ്യന്തര മന്ത്രാലയം, ക്രിമിനൽ ഇൻവെസ്റ്റിഗേഷൻ ഡിപ്പാർട്ട്‌മെന്റ്, ജുഡീഷ്യൽ സംവിധാനം, മറ്റ് ബന്ധപ്പെട്ട അധികാരികൾ എന്നിവയുമായി സഹകരിച്ച് ശ്രീലങ്കയിലേക്കുള്ള അവരുടെ മടക്കം സുഗമമാക്കുന്നതിന് താൽക്കാലിക പാസ്‌പോർട്ടുകൾ ക്രമീകരിക്കുകയും ഉപയോഗിക്കുകയും ചെയ്തുവെന്ന് അൽ ഖബാസ് റിപ്പോർട്ട് ചെയ്യുന്നു. നിലവിൽ, കുവൈറ്റിലെ ശ്രീലങ്കൻ എംബസിയിൽ രജിസ്റ്റർ ചെയ്ത 2000 ലധികം ശ്രീലങ്കൻ ഗാർഹിക തൊഴിലാളികൾ നാട്ടിലേക്ക് മടങ്ങാൻ ആഗ്രഹം പ്രകടിപ്പിച്ചിട്ടുണ്ട്.