കോഴിക്കോട്: ഇന്‍ഡോ-മലേഷ്യന്‍ കള്‍ച്ചറല്‍ സൊസൈറ്റിയുടെ ആഭിമുഖ്യത്തില്‍ സംഘടിപ്പിക്കുന്ന മലേഷ്യന്‍ സ്വാതന്ത്ര്യദിനാഘോഷത്തിന്റെ ഭാഗമായുള്ള 'ഇന്‍ഡോ-മലേഷ്യന്‍ ന്യൂമറോ യൂനോ' അവാര്‍ഡിന് കെ.പി.സി.സി ജനറല്‍ സെക്രട്ടറിയും കെ.ഡി.സി ബാങ്ക് ഡയരക്ടറുമായ എന്‍. സുബ്രഹ്മണ്യന്‍ അര്‍ഹനായി.
ജില്ലയിലെ മൂവായിരത്തിലധികം വരുന്ന സ്വയംസഹായ സംഘങ്ങളുടെ രൂപീകരണത്തിനും സഹകരണ മേഖലയിലെ മികച്ച പ്രവര്‍ത്തനങ്ങള്‍ക്കുമാണ് അവാര്‍ഡ്. 25,000 രൂപയും പ്രശസ്തി പത്രവും ഉള്‍പ്പെടുന്ന അവാര്‍ഡ് 31ന് ക്വാലലംപൂരില്‍ നടക്കുന്ന ചടങ്ങില്‍ സമ്മാനിക്കുമെന്ന് ചീഫ് പ്രോഗ്രാം കോഡിനേറ്റര്‍ കെ.പി പ്രസന്നകുമര്‍ അറിയിച്ചു.