കൊയിലാണ്ടി: രാജ്യത്തു മതേതരത്വം തകര്‍ക്കാനും ന്യൂനപക്ഷ രാഷ്ട്രീയത്തിന്റെ ഉയര്‍ച്ച തടയാനുമുള്ള ശ്രമം ജനാധിപത്യ ചേരിയില്‍ നിന്നു ലീഗ് പരാജയപ്പെടുത്തുമെന്ന് യുത്ത് ലീഗ് ജില്ലാ പ്രസിഡന്റ് നജീബ് കാന്തപുരം. കൊയിലാണ്ടിയില്‍ മുസ്‌ലിം ലീഗ് സംഘടിപ്പിച്ച 'ജല്‍സെ കിറാം' പരിപാടിയുടെ ഭാഗമായി നടന്ന നേതൃ പഠനക്യാംപ് ഉദ്ഘാടനം ചെയ്യുകയായിരുന്നു അദ്ദേഹം. കെ. ഇബ്രാഹിം മാസ്റ്റര്‍ അധ്യക്ഷനായി.
'ന്യൂനപക്ഷ രാഷ്ട്രീയം: പ്രതിസന്ധിയും പരിഹാരവും' വിഷയത്തില്‍ മലപ്പുറം ജില്ലാ യൂത്ത് ലീഗ് ജനറല്‍ സെക്രട്ടറി ഉസ്മാന്‍ താമരത്തും, 'നവയുഗത്തിലെ സാമൂഹ്യ പ്രവര്‍ത്തനം' വിഷയത്തില്‍ സൈന്‍ വയനാടും സംസാരിച്ചു. എം.എസ്.എഫ് സംസ്ഥാന പ്രസിഡന്റായി തെരഞ്ഞെടുക്കപ്പെട്ട മിസ്ഹബ് കീഴരിയൂരിനെ പൊന്നാട അണിയിച്ചു.
വി.പി ഇബ്രാഹിം കുട്ടി, റഷീദ് വെങ്ങളം, കെ.എം നജീബ്, അഷ്‌റഫ് കോട്ടക്കല്‍, ടി. അഷ്‌റഫ്, അന്‍വര്‍ ഇയ്യഞ്ചേരി, എ.കെ.സി മുഹമ്മദ്, മുഹമ്മദ് ഷാമില്‍, ഫാസില്‍ നടേരി, എം. ആസ്യ സംസാരിച്ചു.