കാര്‍ഗിലില്‍ സ്‌ഫോടനത്തില്‍ മൂന്ന് പേര്‍ മരിച്ചു

ജമ്മുകശ്മീര്‍: കാര്‍ഗിലില്‍ സ്‌ഫോടനത്തില്‍ മൂന്ന് പേര്‍ മരിച്ചു. കാര്‍ഗിലിലെ ദ്രാസ് നഗരത്തിലാണ് സ്‌ഫോടനം. 11 പേര്‍ക്ക് പരുക്കേറ്റു. രണ്ട് പേരുടെ നില ഗുരുതരമാണ്. കബഡി നല്ലയിലുള്ള ആക്രി കടയിലാണ് സ്‌ഫോടനമുണ്ടായത്.

പരിക്കേറ്റവരെ ദ്രാസിലെ സര്‍ക്കാര്‍ ആശുപത്രിയില്‍ പ്രവേശിപ്പിച്ചു. സംഭവത്തില്‍ കേസെടുത്തതായി പൊലീസ് വ്യക്തമാക്കി. അന്വേഷണം ആരംഭിച്ചതായും പൊലീസ് കൂട്ടിച്ചേര്‍ത്തു.