ശ്രീനഗര്‍: സൈനികര്‍ സഞ്ചരിച്ച വാഹനം നദിയിലേക്ക് മറിഞ്ഞ് ഒമ്പതുപേര്‍ മരിച്ചു. ലഡാകിലെ ലേയില്‍നിന്ന് 150 കിലോമീറ്റര്‍ അകലെ കിയാറില്‍ ഇന്ന് വൈകീട്ടോടെയാണ് അപകടം. പത്തുസൈനികരാണ് വാഹനത്തിലുണ്ടായിരുന്നത്. ഇതില്‍ ഒമ്പത് പേരും മരിച്ചതായി പ്രതിരോധമന്ത്രാലയം അറിയിച്ചു.

ഒരാള്‍ പരുക്കുകളോടെ രക്ഷപ്പെട്ടു. ആര്‍ട്ടിലറി യൂനിറ്റിലെ സംഘം കാരുവില്‍നിന്ന് ലേയിലെ കിയാറിയിലേക്ക് പുറപ്പെട്ടതായിരുന്നു. ഇതിനിടെ നിയന്ത്രണം തെറ്റി താഴേക്ക് പതിക്കുകയായിരുന്നുവെന്നാണ് വിവരം.

ഒരു ജൂനിയര്‍ കമ്മിഷന്‍ഡ് ഓഫിസറും എട്ടുജവാന്‍മാരും അപകടത്തില്‍ മരിച്ചതായും ഇവരുടെ കുടുംബത്തിന്റെ ദുഖത്തില്‍ പങ്കുചേരുന്നതായും സൈന്യം പ്രസ്താവനയില്‍ പറഞ്ഞു.

Content Highlights:soldiers died in sree nagar