കോതമംഗലത്ത് പോക്‌സോ കേസില്‍ ഇരയായ പെണ്‍കുട്ടി തൂങ്ങിമരിച്ച നിലയില്‍

കൊച്ചി: കോതമംഗലത്ത് പോക്‌സോ കേസില്‍ ഇരയായ പെണ്‍കുട്ടി തൂങ്ങിമരിച്ച നിലയില്‍. ശിശുക്ഷേമ സമിതിവഴി അതിജീവിത കേന്ദ്രത്തില്‍ പുനരധിവസിപ്പിച്ച പെണ്‍കുട്ടിയെയാണ് തൂങ്ങിമരിച്ച നിലയില്‍ കണ്ടെത്തിയത്.

ശനിയാഴ്ച രാത്രി പത്തരയോടെ ശുചിമുറിയില്‍ തൂങ്ങിയ നിലയിലാണ് പെണ്‍കുട്ടിയെ കണ്ടെത്തിയത്. ഉടന്‍തന്നെ സമീപത്തെ സ്വകാര്യ ആശുപത്രിയില്‍ പ്രവേശിപ്പിച്ചെങ്കിലും ജീവന്‍ രക്ഷിക്കാനായില്ല.

ശുചിമുറിക്കുള്ളില്‍ ചുരിദാറിന്റെ ഷാള്‍ ഉപയോഗിച്ചാണ് ആദിവാസി വിഭാഗത്തില്‍പ്പെട്ട പതിനേഴുകാരി തൂങ്ങി മരിച്ചത്. രണ്ടു ദിവസമായി വീട്ടില്‍പോകണമെന്ന് കുട്ടി ആവശ്യപ്പെട്ടിരുന്നതായി ജീവനക്കാര്‍ പൊലിസിനെ അറിയിച്ചു.

pocso-case-victim-found-dead