എകരൂല്‍: ലോക നാട്ടറിവ് ദിനത്തില്‍ പള്ളിയോത്ത് പി.ടി.എം.യു.പി സ്‌കൂളില്‍ നടന്ന നാട്ടറിവ് ദിനാചരണം 'തുടിതാളം' നാടിന്റെ ഉത്സവമായി. തദ്ദേശ അറിവുകള്‍ മുതിര്‍ന്ന വ്യക്തികള്‍ കുഞ്ഞുമനസുകളിലേക്കും പുതു തലമുറകളിലേക്കും പകര്‍ന്നപ്പോള്‍ തുറക്കപ്പെട്ടത് വിജ്ഞാനത്തിന്റെ ഖനികളായിരുന്നു. സ്‌കൂള്‍ സാമൂഹിക ശാസ്ത്ര ക്ലബ് ആണ് പരിപാടി സംഘടിപ്പിച്ചത്.
ഉണ്ണികുളം ഗ്രാമപഞ്ചായത്ത് പ്രസിഡന്റ്  ഇ.ടി ബിനോയ് ഉദ്ഘാടനം ചെയ്തു. വൈസ് പ്രസിഡന്റ് നസീറ ഹബീബി അധ്യക്ഷയായി. വി.പി മാധവന്‍ വൈദ്യര്‍, പി.കെ ശ്രീനി, സി.കെ അബ്ദുള്ളക്കോയ, സുരേഷ് വള്ളുവപ്രം, നിമിഷ, അനഘ സുരേഷ് എന്നിവര്‍ നാട്ടറിവുകള്‍ പങ്ക് വച്ചു. ഷബീര്‍ എം.കെ, സി.കെ ബദറുദ്ദീന്‍ ഹാജി, ഹെഡ് മിസ്ട്രസ് ടി. റൈഹാന,  ബീന വി, അബ്ദുല്‍ ഖാദര്‍, ലിനോയ് വി.പി,  പ്രീതി കെ സംസാരിച്ചു.