കോട്ടയം: വൈക്കത്ത് അഞ്ചുപേരെ കടിച്ച നായയ്ക്ക് പേവിഷബാധ സ്ഥിരീകരിച്ചു. കടിയേറ്റവരുമായി സമ്പര്‍ക്കമുണ്ടായവര്‍ വൈക്കം താലൂക്ക് ആശുപത്രിയിലെത്താന്‍ നിര്‍ദേശം നല്‍കിയിട്ടുണ്ട്. പരുക്കേറ്റ അഞ്ചുപേരും കോട്ടയം മെഡിക്കല്‍ കോളജില്‍ ചികിത്സ തേടി.വൈക്കം കിഴക്കേനടയിലും തൊട്ടുവക്കത്തുമായാണ് നായയുടെ ആക്രമണമുണ്ടായത്.

ഒരേ നായ തന്നെയാണ് അഞ്ചുപേരെയും ആക്രമിച്ചത്. വഴിയാത്രക്കാരായിരുന്ന വയോധികരുടെ പുറത്തും കൈകളിലും തുടരെ കടിച്ചു. 70 വയസ്സിനടുത്ത് പ്രായമുള്ള തങ്കമ്മ, തങ്കമണി, ചന്ദ്രന്‍, പുരുഷന്‍ എന്നിവര്‍ക്കും 40 വയസ്സുള്ള ഷിബുവിനുമാണ് കടിയേറ്റത്.