തിരുവനന്തപുരം •വൈദ്യുത ഓട്ടോറിക്ഷകളും ഇരുചക്ര വാഹനങ്ങളും ചാർജ് ചെയ്യാൻ കഴിയുന്ന 1150 പോൾ മൗണ്ടഡ് ചാർജിംഗ് സ്റ്റേഷനുകൾ സ്ഥാപിക്കുന്നതിനുള്ള നടപടികൾ വേഗത്തിലാക്കി കെ.എസ്.ഇ.ബി.
വിവിധ ജില്ലകളിലായി 412 എണ്ണം പൂർത്തിയായി. കെ.എസ്.ഇ.ബി തുടങ്ങിയ വൈദ്യുതവാഹന ചാർജിങ് സ്റ്റേഷനുകൾക്കു പിന്നാലെയാണ് വൈദ്യുതിത്തൂണിലുറപ്പിച്ച സംവിധാനം വരുന്നത്.
കോഴിക്കോട് ജില്ലയിൽ 2021 ഒക്ടോബറിലാണ് പദ്ധതി തുടങ്ങിയത്. സ്വകാര്യ ഏജൻസികളാണ് ചാർജിങ് സ്റ്റേഷൻ പ്രവർത്തിപ്പിക്കുക. ഒരു നിയോജകമണ്ഡലത്തിൽ അഞ്ചെണ്ണം വീതവും കോർപറേഷൻ പരിധിയിൽ 15 എണ്ണവും സ്ഥാപിക്കും. ചാർജ് ചെയ്ത ശേഷം തുക മൊബൈൽ ആപ്പ് വഴി വഴി ക്യു.ആർ കോഡ് സ്‌കാൻ ചെയ്ത് അടയ്ക്കാം.