കൊച്ചി: എറണാകുളം സൗത്ത് റെയില്‍വേ ലൈനിന് സമീപമുള്ള വീടിന് തീപിടിച്ച് ഒരാള്‍ മരിച്ചു. വീട്ടിലുണ്ടായിരുന്ന പുഷ്പ വല്ലിയാണ് മരിച്ചത്.57 വയസായിരുന്നു. പൊലിസും ഫയര്‍ഫോഴ്സും സ്ഥലത്തെത്തി തീയണച്ചു.

ഇന്ന് ഉച്ചയോടെയാണ് സംഭവം. കട്ടിലില്‍ കത്തിക്കരിഞ്ഞ നിലയിലാണ് പുഷ്പ വല്ലിയുടെ മൃതദേഹം ഉണ്ടായിരുന്നതെന്ന് പൊലിസ് പറഞ്ഞു. അപകടസമയത്ത് വീട്ടില്‍ സ്ത്രീ മാത്രമേ ഉണ്ടായിരുന്നു. മക്കള്‍ ജോലിക്ക് പോയിരുന്നു.

വീട്ടില്‍ നിന്ന് തീയും പുകയും ഉയരുന്നതുകണ്ട അയല്‍വാസികളാണ് വിവരം ഫയര്‍ഫോഴ്സിനെ അറിയിച്ചത്.