തിരുവനന്തപുരം: ടി.പി.ആര്‍ കുറയാത്തതിനാല്‍ സംസ്ഥാനത്ത് കൊവിഡ് നിയന്ത്രണങ്ങള്‍ ഒരാഴ്ച കൂടി തുടരാന്‍ തീരുമാനം. ലോക്ഡൗണ്‍ നിയന്ത്രണങ്ങളെക്കുറിച്ച് വിലയിരുത്താന്‍ മുഖ്യമന്ത്രിയുടെ നേതൃത്വത്തില്‍ ചേര്‍ന്ന യോഗത്തിലാണ് തീരുമാനം. ഇളവുകള്‍ വരുത്തിയ ശേഷം കൊവിഡ് വ്യാപനം വര്‍ധിക്കുന്നുവെന്ന വിലയിരുത്തലിനെത്തുടര്‍ന്ന് പ്രാദേശിക നിയന്ത്രണം കടുപ്പിച്ചു. ഒരാഴ്ച കൂടി നിയന്ത്രണം കടുപ്പിക്കാനാണ് മുഖ്യമന്ത്രിയുടെ അധ്യക്ഷതയില്‍ചേര്‍ന്ന അവലോകനയോഗത്തിneCd തീരുമാനമായത്. ടെസ്റ്റ് പോസിറ്റിവിറ്റി നിരക്കിന്റെ അടിസ്ഥാനത്തില്‍ പ്രദേശങ്ങളെ നാലായി തിരിച്ച് ഇളവുകളും നിയന്ത്രണങ്ങളും ഏര്‍പ്പെടുത്തുന്ന രീതി തുടരും.

പൂജ്യം മുതല്‍ ആറ് ശതമാനം വരെ എ കാറ്റഗറിയിലും ആറ് മുതല്‍ 12 ശതമാനം വരെ ബി കാറ്റഗറിയിലും ആയിരിക്കും. 12 മുതല്‍ 18 ശതമാനം വരെ സി കാറ്റഗറി.18 മുതല്‍ മുകളിലേക്ക് ഡി കാറ്റഗറി. ടിപിആര്‍ 18ന് മുകളിലുള്ള പ്രദേശങ്ങളില്‍ ട്രിപ്പിള്‍ ലോക്ക്ഡൗണായിരിക്കും. ടിപിആര്‍ ആറിന് താഴെയുള്ള പ്രദേശങ്ങളില്‍ കൂടുതല്‍ ഇളവുകള്‍ നല്‍കും.

രോഗസ്ഥിരീകരണ നിരക്ക് 15ല്‍ കൂടുതലുള്ള തദേശസ്ഥാപനങ്ങളില്‍ കര്‍ശന നിയന്ത്രണം വേണമെന്നായിരുന്നു ആവശ്യം.
ഇളവുകള്‍ തുടങ്ങി രണ്ടാഴ്ച പിന്നിടുമ്പോള്‍ പല തദേശ സ്ഥാപന പരിധികളിലും രോഗബാധിതരുടെ എണ്ണം ഉയരുകയാണ്. ടി.പി.ആര്‍ എട്ടിന് താഴെയുള്ള 313, ടി.പി.ആര്‍ എട്ടിനും 16നും ഇടയ്ക്കുള്ള 545, ടി.പി.ആര്‍ 16നും 24നും ഇടയ്ക്കുള്ള 152, ടി.പി.ആര്‍ 24ന് മുകളിലുള്ള 24 തദ്ദേശ സ്വയംഭരണപ്രദേശങ്ങളാണുള്ളത്.

നിലവില്‍ രോഗസ്ഥിരീകരണ നിരക്ക് 24നു മുകളിലുള്ള തദേശ സ്ഥാപനങ്ങളിലാണ് ട്രിപ്പിള്‍ ലോക്ക്ഡൗണിനു സമാനമായ നിയന്ത്രണങ്ങളുള്ളത്.
ടി.പി.ആര്‍ 15നു മുകളിലുള്ള സ്ഥലങ്ങളില്‍ കര്‍ശന നിയന്ത്രണങ്ങളും 10നും 15നുമിടയില്‍ ലോക്ക്ഡൗണ്‍ സമാന നിയന്ത്രണങ്ങളും ഏര്‍പ്പെടുത്താനാണ് ആലോചിക്കുന്നത്. ടി.പി.ആര്‍ അഞ്ചിനു താഴെയുള്ള പ്രദേശങ്ങളില്‍ മാത്രം കൂടുതല്‍ ഇളവുകള്‍ നല്‍കും.