തൃശൂര്‍: കമിതാക്കള്‍ ചേര്‍ന്ന് രണ്ട് നവജാത ശിശുക്കളെ കുഴിച്ചിട്ടു. അവിവാഹിതരായതിനാലാണ് ഇവര്‍ ഈ കടുകൈ ചെയ്തതെന്നാണ് നിഗമനം. രണ്ട് പ്രസവങ്ങളിലായി നടന്ന കുഞ്ഞുങ്ങളെയാണ് ഇവര്‍ കുഴിച്ചിട്ടത്. പിന്നീട് ദോഷം മാറാനായി അസ്ഥികള്‍ പെറുക്ക് സൂക്ഷിച്ചു. കഴിഞ്ഞ ദിവസം രാത്രി ഒരു കൂട്ടം അസ്ഥികള്‍ സൂക്ഷിച്ച ബാഗുമായി യുവാവ് സ്റ്റേഷനിലെത്തി പൊലിസിനോട് കാര്യങ്ങള്‍ പറയുകയായിരുന്നു. പരിശോധന വേണമെന്ന് ആവശ്യപ്പെട്ടാണ് യുവാവ് സ്റ്റേഷനിലെത്തിയത്.

ALSO READ: ഇസ്‌റാഈല്‍ ആക്രമണത്തില്‍ കൊല്ലപ്പെട്ട സൈനികമേധാവികളുടെയും ശാസ്ത്രജ്ഞരുടെയും മയ്യിത്തുകള്‍ ഖബറടക്കി; ഇങ്ക്വിലാബ് ചത്വരത്തിലേക്ക് ഒഴുകിയെത്തിയത് പതിനായരങ്ങള്‍

തൃശൂര്‍ പുതുക്കാട് ആണ് സംഭവം. സംഭവത്തില്‍ പുതുക്കാട്, വെള്ളികുളങ്ങര സ്വദേശികളായ 26 കാരനെയും 21 കാരിയെയും പൊലിസ് കസ്റ്റഡിയിലെടുത്തിട്ടുണ്ട്. കൊലപാതകമാണോയെന്നതുള്‍പെടെയുള്ള കാര്യങ്ങള്‍ വിശദമായി അന്വേഷിക്കുമെന്ന് തൃശൂര്‍ റൂറല്‍ എസ്.പി അറിയിച്ചു. 

ALSO READ: ടോൾ ഒഴിവാക്കാൻ കുറുക്കുവഴി ഉപയോ​ഗിക്കുന്നവർ ശ്രദ്ധിക്കുക; വലിയ വില നൽകേണ്ടി വരുമെന്ന് അബൂദബി പൊലിസ്

യുവതിയുമായുള്ള അഭിപ്രായ വ്യത്യാസത്തെ തുടര്‍ന്നാണോ യുവാവ് അസ്ഥിയുമായി സ്റ്റേഷനില്‍ എത്തിയതെന്നതില്‍ വ്യക്തതയില്ല. 2021ലും 2024ലുമായാണ് പ്രസവങ്ങള്‍ നടന്നത്. ശുചിമുറിയിലായിരുന്നു ആദ്യപ്രസവമുണ്ടായതെന്നും യുവതിയുടെ വീട്ടിലാണ് കുഴിച്ചിട്ടതെന്നും യുവാവ് പൊലിസിനോട് പറഞ്ഞിട്ടുണ്ട്. കൂടതല്‍ വിവരങ്ങള്‍ അന്വേഷണ ശേഷമേ പുറത്തു വരികയുള്ളൂ.

A disturbing incident in Thrissur's Puthukkad area has come to light where an unmarried couple allegedly buried two newborns following secret deliveries in 2021 and 2024. Police have taken both into custody and initiated a detailed investigation into possible infanticide.