പാനൂര്‍: എസ്.കെ.എസ്.എസ്.എഫ് സന്നദ്ധ സേവന പരിശീലന വിഭാഗമായ വിഖായയുടെ ജില്ലാ ട്രെയിനിങ് ക്യാംപ് പാനൂര്‍ തൂവക്കുന്ന് യമാനിയ കോളജില്‍ സമാപിച്ചു. ജില്ലയിലെ 16 മേഖലകളില്‍ നിന്നു തെരഞ്ഞെടുക്കപ്പെട്ട വിഖായ വളണ്ടിയര്‍മാരാണു പങ്കെടുത്തത്. പാണക്കാട് റഷീദലി ശിഹാബ് തങ്ങള്‍ ഉദ്ഘാടനം ചെയ്തു. ബഷീര്‍ അസ്അദി നമ്പ്രം അധ്യക്ഷനായി. അബ്ദുറഷീദ് ഫൈസി വെള്ളായിക്കോട്, ഡോ. അമീന്‍, ഓണംപള്ളി മുഹമ്മദ് ഫൈസി, ഷമീം ഫൈസി മഞ്ചേരി, ഡോ. അമീറലി എന്നിവര്‍ വിഷയം അവതരിപ്പിച്ചു. പാലത്തായി മൊയ്തുഹാജി, മഹ്‌റൂഫ് മട്ടന്നൂര്‍, അബൂബക്കര്‍ യമാനി, നിസാം ഓമശ്ശേരി, അഷ്‌കര്‍ തണ്ടപ്പറമ്പ്, അബ്ദുല്‍ ഗഫൂര്‍ ബാഖവി സംസാരിച്ചു.