മാനന്തവാടി: സമസ്ത കേരള ജംഇയ്യത്തുല്‍ മുഅല്ലിമീന്‍ മാനന്തവാടി റെയ്ഞ്ച് കമ്മിറ്റിയുടെ ആഭിമുഖ്യത്തില്‍ ഓഗസ്റ്റ് 30ന് ഉമറാ സംഗമം സംഘടിപ്പിക്കും. ചെറ്റപ്പാലം ചെറുശ്ശേരി ഉസ്താദ് നഗറില്‍ 'ഇന്‍തിബാഹ് 2016' എന്ന പേരില്‍ റെയ്ഞ്ച് പരിധിയിലെ 21 മഹല്ലുകളില്‍ നിന്ന് തെരഞ്ഞെടുത്ത പ്രതിനിധികള്‍ പങ്കെടുക്കും. സമസ്ത കേന്ദ്ര മുശാവറ അംഗം വി. മൂസക്കോയ മുസ്‌ലിയാര്‍ ഉദ്ഘാടനം ചെയ്യും. റെയ്ഞ്ച് പ്രസിഡന്റ് സി ഉമര്‍ ദാരിമി അധ്യക്ഷനാകും. മൗലവി അഹ്മദ് തേര്‍ളായി വിഷയാവതരണം നടത്തും.