തൃശൂർ • യുവജന കമ്മിഷന്റെ നേതൃത്വത്തിൽ ലഹരിക്കെതിരേ വിപുലമായ കാംപയിൻ നടത്തുമെന്ന് സംസ്ഥാന യുവജന കമ്മിഷൻ ചെയർപേഴ്സൺ ഡോ.ചിന്താ ജെറോം. സർവകലാശാല, കോളജ് യൂനിയനുകൾ, യുവജന ക്ലബ്ബുകൾ, സാംസ്കാരിക – സന്നദ്ധ സംഘടനകൾ എന്നിവയുടെ സഹകരണത്തോടെയാകും കാംപയിൻ നടത്തുക.

യുവജന കമ്മിഷന്റെ ജില്ലാതല അദാലത്തിനുശേഷം മാധ്യമപ്രവർത്തകരോട് സംസാരിക്കുകയായിരുന്നു ചിന്താ ജെറോം. കാംപയിൻ്റെ ഭാഗമായി ലഹരിക്കെതിരേ ബോധവൽക്കരണ പരിപാടികൾ വ്യാപിപ്പിക്കും. സംസ്ഥാനത്ത് പ്രധാനപ്പെട്ട കേന്ദ്രങ്ങളിൽ യുവജനങ്ങൾക്കായി തൊഴിൽമേളകൾ സംഘടിപ്പിക്കുമെന്നും ചെയർപേഴ്സൺ അറിയിച്ചു.