പയ്യോളി: മൂന്നു വര്‍ഷമായി നിലച്ചുപോയ കോട്ടക്കല്‍ കടവില്‍ മണല്‍ വിതരണം പുനരാരംഭിച്ചു. പോര്‍ട്ട് മാന്വല്‍ ഡ്രഡ്ജിങ് വര്‍ക്കേഴ്‌സ് കോ-ഓപറേറ്റിവ് സൊസൈറ്റിക്കു കീഴിലാണു കടവിലെ തൊഴിലാളികള്‍ ജോലി ചെയ്യുന്നത്.
ഒരു മാസം 60 ലക്ഷം രൂപ മുന്‍കൂറായി സര്‍ക്കാരിന്റെ വിവിധ വകുപ്പുകളില്‍ അടച്ചാണു മാസംതോറും സൊസൈറ്റി പെര്‍മിറ്റ് എടുക്കുന്നത്. സൊസൈറ്റിയുടെ കടവിലെ ഓഫിസ് ഉദ്ഘാടനം നഗരസഭാ കൗണ്‍സിലര്‍ പി. അസ്സയിനാര്‍ മാസ്റ്റര്‍ നിര്‍വഹിച്ചു. പ്രസിഡന്റ് സി. ദിവാകരന്‍ അധ്യക്ഷനായി. കെ. ഹരിദാസന്‍, എ.പി ഹരീഷ്, വി.കെ സജിത്ത്, സി. ശ്രീജിത്ത് സംസാരിച്ചു.