നാദാപുരം: കല്ലാച്ചി മാര്‍ക്കറ്റിലെ കോഴിക്കടക്കാര്‍ തമ്മിലുള്ള തര്‍ക്കത്തിനിടെ യുവാവിനു വെട്ടേറ്റു. മാര്‍ക്കറ്റില്‍ സാധനം വാങ്ങാനെത്തിയ വാണിമേല്‍ പാലത്തിനു സമീപത്തെ തേനംകണ്ടി റഫീഖിനാണു കൈക്കു വെട്ടേറ്റത്.
ഇന്നലെ ആറോടെയാണു സംഭവം. മാര്‍ക്കറ്റില്‍ പ്രവര്‍ത്തിക്കുന്ന മറ്റൊരു കോഴിക്കട നടത്തിപ്പുകാരനായ ചാലില്‍ റഫീഖിനെ മര്‍ദിക്കുന്നതു തടയുന്നതിനിടെയാണു വെട്ടേറ്റത്. തൊട്ടടുത്ത കടയിലെ യുവാവും തെരുവംപറമ്പ് ലക്ഷംവീട് കോളനിയിലെ ഹാരിസും ചേര്‍ന്നു വെട്ടുകയായിരുന്നുവെന്നു സമീപത്തുള്ളവര്‍ പറഞ്ഞു. കൈക്കു സാരമായി പരുക്കേറ്റ റഊഫിനെ വിദഗ്ധ ചികിത്സയ്ക്കായി കോഴിക്കോട്ടേക്കു മാറ്റി. ഹാരിസിനെ നാദാപുരം പൊലിസ് കസ്റ്റഡിയിലെടുത്തു.