തിരുവനന്തപുരം:  റവന്യൂ ജില്ലാ ടി.ടി.ഐ-പി.പി.ടി.ടി.ഐ കലോത്സവവും അധ്യാപകദിന മത്സരവും നാളെ മണക്കാട് ഗവ: വി എച്ച്. എസ്. എസ് ഫോര്‍ ഗേള്‍സില്‍ നടക്കും. രാവിലെ പത്തിന്  കെ. മുരളീധരന്‍ എം.എല്‍.എ. ഉദ്ഘാടനം ചെയ്യും.
ലളിതഗാനം, മാപ്പിളപ്പാട്ട്, പദ്യം ചൊല്ലല്‍, മോണോ ആക്ട്, മലയാള പ്രസംഗം, പ്രഭാഷണം, സംഘ ഗാനം എന്നീ ഇനങ്ങളിലാണ് വിദ്യാര്‍ഥികള്‍ക്കുള്ള മത്സരം. അധ്യാപകദിനാഘോഷത്തോടനുബന്ധിച്ച് അധ്യാപകര്‍ക്കായി ലളിതഗാനം, സംഘഗാനം, കവിയരങ്ങ് എന്നീ ഇനങ്ങളിലും മത്സരം നടക്കും.
വൈകുന്നേരം അഞ്ചു മണിക്ക് ജില്ലാ പഞ്ചായത്ത് വൈസ് പ്രസിഡന്റ് അഡ്വ. എ. ഷൈലജബീഗം സമാപന സമ്മേളനം ഉദ്ഘാടനം ചെയ്യും. ചലചിത്ര സംവിധായകന്‍ ശാന്തിവിള ദിനേശ് സമ്മാനവിതരണം നിര്‍വ്വഹിക്കും.