പത്തനാപുരം: സി.പി.എം-ബി.ജെ.പി സംഘര്‍ഷത്തെ തുടര്‍ന്ന് പുന്നലയില്‍ ഇന്നു ബി.ജെ.പി ഹര്‍ത്താല്‍. പുന്നലയിലെ വിവിധ ഭാഗങ്ങളില്‍ ശ്രീകൃഷ്ണജയന്തിക്കായി സ്ഥാപിച്ച കൊടിതോരണങ്ങള്‍ നശിപ്പിക്കപ്പെട്ടിരുന്നു. ഇതിനെ തുടര്‍ന്നു ഇരുവിഭാഗവും തമ്മില്‍ വാക്കേറ്റം ഉണ്ടാകുകയും സംഘര്‍ഷത്തിനു കാരണമാകുകയും ചെയ്തു. സംഭവത്തില്‍ ഡി.വൈ.എഫ്.ഐ പ്രവര്‍ത്തകനെ പൊലിസ് അറസ്റ്റ് ചെയ്തിരുന്നു.