ന്യൂഡല്‍ഹി: തെരഞ്ഞെടുപ്പ് തന്ത്രജ്ഞനായ പ്രശാന്ത് കിഷോര്‍ കോണ്‍ഗ്രസില്‍ ചേരുന്നുവെന്ന് സൂചന. സോണിയാ ഗാന്ധി, രാഹുല്‍ ഗാന്ധി, പ്രിയങ്ക ഗാന്ധി എന്നിവരോട് അദ്ദേഹം കൂടിക്കാഴ്ച നടത്തി. കോണ്‍ഗ്രസില്‍ ഉന്നതമായ ഒരു സ്ഥാനം നല്‍കി വരുന്ന തെരഞ്ഞെടുപ്പുകള്‍ നേരിടാനൊരുങ്ങുന്നുവെന്നാണ് റിപ്പോര്‍ട്ട്.

ഉത്തര്‍പ്രദേശ് അടക്കമുള്ള സംസ്ഥാന തെരഞ്ഞെടുപ്പുകള്‍, 2024 ലോക്‌സഭാ തെരഞ്ഞെടുപ്പ് എന്നിവ നേരിടാനുള്ള തന്ത്രമായിരിക്കും പ്രശാന്ത് കിഷോര്‍ മെനയുക. കൂടാതെ, കോണ്‍ഗ്രസ് പാര്‍ട്ടിയെ സംഘടനാപരമായ മാറ്റങ്ങള്‍ വരുത്തുന്നതിനും പ്രശാന്ത് കിഷോറിന് വലിയ പങ്കുണ്ടാവും.