കോട്ടയം: കേരളാ കോണ്‍ഗ്രസ് എന്നു കേള്‍ക്കുമ്പോള്‍ സിപിഐ വിറളി പിടിക്കേണ്ട കാര്യമില്ലെന്ന് ചെയര്‍മാന്‍ കെഎം മാണി. എല്‍ഡിഎഫിലേക്ക് തങ്ങള്‍ വരുന്നില്ലെന്ന് വ്യക്തമാക്കിയതാണ്. അതില്‍ എഴുതാപ്പുറം വായിക്കേണ്ട കാര്യമില്ലെന്നും മാണി പറഞ്ഞു.

കിട്ടിയ സീറ്റ് വില്‍പന ചരക്കാക്കിയ സിപിഐയെ പോലുള്ള കളങ്കിത രാഷ്ട്രീയ കക്ഷികള്‍ കേരളാ കോണ്‍ഗ്രസിന് രാസോപദേശം തരേണ്ട കാര്യമില്ലെന്നും മാണി പറഞ്ഞു.


ഇടതുമുന്നണിയില്‍ ചേരില്ലെന്നും മുന്നണിയില്‍ചേര്‍ക്കാന്‍ ആരുടേയും പിന്നാലെ നടക്കില്ലെന്നും പാര്‍ട്ടി സെക്രട്ടറി ജോയ് എബ്രഹാം കഴിഞ്ഞ ദിവസം പറഞ്ഞിരുന്നു. പാര്‍ലമെന്റ് സീറ്റ് വിറ്റു വരുമാനമുണ്ടാക്കുന്ന പാരമ്പര്യം പാര്‍ട്ടിക്കില്ലെന്നും ജോയ് എബ്രഹാം പറഞ്ഞിരുന്നു.