ചാവക്കാട്: സമസ്ത തൃശൂര്‍ ജില്ലാ ആക്ടിങ് പ്രസിഡന്റ് നാസര്‍ ഫൈസി തിരുവത്ര അന്തരിച്ചു. 48 വയസായിരുന്നു. പാലക്കാട് ജില്ലയിലെ പട്ടിക്കര ജുമാഅത്ത് മഹല്ല് ഖത്തീബാണ്. നാട്ടിക ഉള്‍പ്പടെ വിവിധ മഹല്ലുകളില്‍ പ്രവര്‍ത്തിച്ചിരുന്നു. 

തീരമേഖലയില്‍ സമസ്തയുടെ ശക്തമായ സാന്നിധ്യമായിരുന്നു. കൊവിഡും മറ്റു രോഗങ്ങളാലും പ്രയാസപ്പെട്ട് തൃശൂര്‍ ഗവ.മെഡിക്കല്‍ കോളജ് ആശുപത്രിയില്‍ ചികിത്സയിലായിരുന്നു. ഈ മാസം ആദ്യത്തിലാണ് ആശുപത്രിയില്‍ പ്രവേശിപ്പിച്ചത്. കൊവിഡ് ബാധിക്കുന്നത് വരെ വിശ്രമമില്ലാതെ സജീവ പ്രവര്‍ത്തനത്തിലായിരുന്നു. 

പിതാവ്:  മുഹമ്മു  മാതാവ്: കുഞ്ഞുമോള്‍ ഉമ്മ. ഭാര്യ: സക്കീന. മക്കള്‍: ഖദീജ, അദീബ, ഉമ്മുഹബീബ, മുനുദ്ദീന്‍ അഹ്മദ്. ഖബറടക്കം ഇന്ന് അഞ്ചിന് തിരുവത്ര പടിഞ്ഞാറെ പള്ളി ഖബര്‍സ്ഥാനില്‍.