സംസം വെള്ളം കുടിക്കുമ്പോൾ ഈ കാര്യങ്ങൾ ശ്രദ്ധിക്കുക; മാർഗനിർദേശവുമായി ഹജ്, ഉംറ മന്ത്രാലയം

മദീന: ഉംറക്കും തീർത്ഥാടനത്തിനുമായി ഹറമുകളിൽ എത്തുന്ന വിശ്വാസികൾക്ക് മാർഗനിർദേശവുമായി ഹജ്, ഉംറ മന്ത്രാലയം. ഹറമുകളിൽ എത്തുന്ന വിശ്വാസികൾ സംസം വെള്ളം കുടിക്കുമ്പോൾ പ്രത്യേക ശ്രദ്ധ പുലർത്തണമെന്നാണ് നിർദേശം. അലക്ഷ്യമായി വെള്ളക്കപ്പുകൾ വലിച്ചെറിയരുത്, പ്രായമുള്ളവർക്ക് പരിഗണന നൽകണം തുടങ്ങിയ കാര്യങ്ങളിലാണ് മന്ത്രാലയം നിർദേശം നൽകിയത്.

ഹജ്, ഉംറ മന്ത്രാലയം നൽകിയ പ്രധാന നിർദേശങ്ങൾ ഇവയാണ്:

സംസം വെള്ളം എടുക്കുമ്പോൾ തറയിൽ ഒഴുകിപ്പോകാതിരിക്കാൻ ശ്രദ്ധിക്കുക

പ്രായമായവർക്ക് മുൻഗണന നൽകുക.

തിരക്കുകൂട്ടുന്നത് ഒഴിവാക്കി മറ്റുള്ളവരോട് ബഹുമാനവും പരിഗണനയും കാണിക്കുക

നിശ്ചിത സ്ഥലങ്ങളിൽ നിന്ന് സംസം വെള്ളം കുടിക്കുക

കപ്പുകൾ നിർദേശിച്ച ഇടങ്ങളിൽ മാത്രം നിക്ഷേപിക്കുക

ഉപയോഗിച്ച കപ്പുകൾ ശേഷം അലസമായി വലിച്ചെറിയാതിരിക്കുക