ന്യൂഡല്‍ഹി:ഒക്ടോബറില്‍ യു.എ.ഇ, ഒമാന്‍ എന്നിവിടങ്ങളിലായി നടക്കാനിരിക്കുന്ന ടി20 ലോകകപ്പിന്റെ ഗ്രൂപ്പുകള്‍ ഐ.സി.സി പ്രഖ്യാപിച്ചു. ഇന്ത്യയും പാകിസ്താനും രണ്ടാം ഗ്രൂപ്പിലാണ് ഉള്‍പ്പെട്ടിട്ടുള്ളത്.

ന്യൂസിലന്‍ഡ്, അഫ്ഗാനിസ്താന്‍, ഗ്രൂപ്പ് എ റണ്ണറപ്പ്, ഗ്രൂപ്പ് ബി വിജയി എന്നിവരാണ് ഗ്രൂപ്പിലെ മറ്റു ടീമുകള്‍. എന്നാല്‍ ഗ്രൂപ്പ് ഒന്നാണ് ടൂര്‍ണമെന്റിലെ മരണഗ്രൂപ്പ്. നിലവിലെ ചാംപ്യന്മാരായ വെസ്റ്റ് ഇന്‍ഡീസ്, മുന്‍ ജേതാക്കളായ ഇംഗ്ല@ണ്ട്, ആസ്‌ത്രേലിയ, ദക്ഷിണാഫ്രിക്ക, ഗ്രൂപ്പ് എയിലെ വിജയികള്‍, ഗ്രൂപ്പ് ബിയിലെ റണ്ണറപ്പ് എന്നിവരാണ് ഗ്രൂപ്പ് ഒന്നിലുള്ളത്. എട്ടു ടീമുകളാണ് സൂപ്പര്‍ 12ലേക്കു യോഗ്യത നേടിയിരിക്കുന്നത്.

ബാക്കി നാലു ടീമുകള്‍ യോഗ്യതാ റൗ@ണ്ട് കടന്നായിരിക്കും സൂപ്പര്‍ 12ലേക്കു എത്തുക. യോഗ്യതാ റൗണ്ട@ില്‍ രണ്ട@ു ഗ്രൂപ്പുകളിലായി എട്ടു ടീമുകളു@ണ്ട്.
ഗ്രൂപ്പ് എയില്‍ ശ്രീലങ്ക, അയര്‍ലന്‍ഡ്, നെതര്‍ലാന്‍ഡ്‌സ് നമീബിയ എന്നിവരും ഗ്രൂപ്പ് ബിയില്‍ ബംഗ്ലാദേശ്, സ്‌കോട്ട്‌ലാന്‍ഡ്, പപ്പുവ ന്യുഗ്വിനി, ഒമാന്‍ എന്നിവര്‍ ഗ്രൂപ്പ് ബിയിലും മാറ്റുരയ്ക്കും. ഒക്ടോബര്‍ 17 മുതല്‍ നവംബര്‍ 14 വരെയാണ് യു.എ.ഇ, ഒമാന്‍ എന്നീവിടങ്ങളിലായി ടി20 ലോകകപ്പ് അരങ്ങേറുന്നത്. ഈ വര്‍ഷം മാര്‍ച്ച് 20വരെയുള്ള ഐ.സി.സി റാങ്കിങിന്റെ അടിസ്ഥാനത്തിലാണ് ഐ.സി.സി ഗ്രൂപ്പുകള്‍ തിരഞ്ഞെടുത്തിരിക്കുന്നത്.

മഹാമാരിക്കു ശേഷം ആദ്യത്തെ അന്താരാഷ്ട്ര ടൂര്‍ണമെന്റായ ടി20 ലോകകപ്പില്‍ മികച്ച പോരാട്ടങ്ങളാണ് വരുന്നതെന്ന് ഐ.സി.സി ആക്ടിങ് ചീഫ് എക്‌സിക്യൂട്ടീവ് ജെഫ് അലെര്‍ഡൈസ് പറഞ്ഞു. ഇന്ത്യയില്‍ നടക്കേ@ണ്ടിയിരുന്ന ടൂര്‍ണമെന്റ് കൂടിയാണിത്.
എന്നാല്‍ കൊവിഡ് മഹാമാരിയെ തുടര്‍ന്നു ഇന്ത്യയില്‍ ലോകകപ്പ് നടത്തുക അസാധ്യമാണെന്നു ബോധ്യമായതോടെ ബി.സി.സി.ഐ ആതിഥേയത്വം യു.എ.ഇയ്ക്കു വിട്ടുകൊടുക്കുകയായിരുന്നു. ദുബൈഅന്താരാഷ്ട്ര സ്റ്റേഡിയം, അബൂദബി ഷെയ്ഖ് സായിദ് സ്റ്റേഡിയം, ഷാര്‍ജ സ്റ്റേഡിയം, ഒമാന്‍ ക്രിക്കറ്റ് അക്കാദമി ഗ്രൗ@ണ്ട് എന്നിവയാണ് ലോകകപ്പിന്റെ മല്‍സരവേദികള്‍. മത്സരക്രമം ഐ.സി.സി ഉടന്‍ പ്രഖ്യാപിക്കും.