ചാലിയം: കാസര്‍കോട് മുതല്‍ തിരുവനന്തപുരം വരെയുള്ള സംസ്ഥാനത്തെ അംഗങ്ങള്‍ ഉള്‍പ്പെടുന്ന കേരള വാട്‌സ്ആപ്പ് കൂട്ടായ്മയില്‍ സൗജന്യ ആംബുലന്‍സ് സര്‍വിസിനു തുടക്കമായി. വിവിധ അപകടങ്ങളില്‍പെടുന്നവര്‍ക്കും നിര്‍ധന രോഗികള്‍ക്കും സഹായകമാകുന്ന സൗജന്യ സര്‍വിസ് ചാലിയം കേന്ദ്രമായാണു പ്രവര്‍ത്തിക്കുക.
പാണക്കാട് സയ്യിദ് ഹൈദരലി ശിഹാബ് തങ്ങള്‍ ഗ്രൂപ്പ് അഡ്മിന്‍ റിയാസ് ചാലിയത്തിനു വാഹനത്തിന്റെ താക്കോല്‍ നല്‍കി ഉദ്ഘാടനം ചെയ്തു. പി.പി റഫീഖ് അധ്യക്ഷനായി. സുല്‍ഫിക്കര്‍ വിളയില്‍, മുജീബ് കാവങ്ങപ്പാറ, റാഫി കുന്നുംപുറം, പി.പി മഹബൂബ്, ഹമീദ് കാരാട്,  മുഹമ്മദ് അസ്‌ലം ഫറോക്ക്, പി.ടി ഷബീര്‍, കെ. ബഷീര്‍ സംബന്ധിച്ചു.