പേരാമ്പ്ര: ചക്കിട്ടപാറ പഞ്ചായത്തിലെ പയ്യാനിക്കോട്ടയില്‍ ഇരുമ്പയിര് ഖനനം  നടത്തുന്നതിനു വേണ്ടി എം.എസ്.പി.എല്‍ സ്വകാര്യ കമ്പനി നടത്തുന്ന നീക്കം ചെറുത്തുതോല്‍പ്പിക്കുമെന്ന് യൂത്ത് ലീഗ് ദേശീയ  കണ്‍വീനര്‍ പി.കെ ഫിറോസ് പറഞ്ഞു. നിര്‍ദിഷ്ട ഖനന പ്രദേശത്ത് പേരാമ്പ്ര നിയോജക  മണ്ഡലം യൂത്ത് ലീഗ് കമ്മിറ്റി സംഘടിപ്പിച്ച സമരപ്രഖ്യാപനം ഉദ്ഘാടനം ചെയ്യുകയായിരുന്നു അദ്ദേഹം.
2006ല്‍ അന്നത്തെ വ്യവസായ മന്ത്രിയായിരുന്ന എളമരം കരീം അഞ്ചു കോടി രൂപ കൈക്കൂലി വാങ്ങിയാണ് എം.എസ്.പി.എല്‍ കമ്പനിക്ക് ഖനനാനുമതി നേടിക്കൊടുത്തതെന്നും പിന്നീട് അധികാരത്തില്‍ വന്ന യു.ഡി.എഫ് സര്‍ക്കാരാണ് ഈ അനുമതി റദ്ദാക്കിയതെന്നും ഫിറോസ് പറഞ്ഞു. വി.പി റിയാസ് സലാം അധ്യക്ഷനായി. സി.പി.എ അസീസ്, നജീബ്  കാന്തപുരം, സാജിദ് നടുവണ്ണൂര്‍, ആവള ഹമീദ്, മൂസ കോത്തമ്പ്ര, അസീസ് നരിക്കിലക്കണ്ടി, നൗഫല്‍  ചെറുവണ്ണൂര്‍, പി.സി ഉബൈദ് അലി സംസാരിച്ചു.