കണ്ണൂര്‍: ഫിഷറീസ് വകുപ്പിന്റെ നേതൃത്വത്തില്‍ തളാപ്പ് ആനക്കുളത്തില്‍ ഇന്നലെ നിക്ഷേപിച്ച മത്സ്യകുഞ്ഞുങ്ങളില്‍ പകുതിയും ചത്തുപൊങ്ങി. ജില്ലാ പഞ്ചായത്തിന്റെ പദ്ധതിയിലുള്‍പെടുത്തി 15000 മത്സ്യകുഞ്ഞുങ്ങളെയാണ് ഇന്നലെ നിക്ഷേപിച്ചത്. എന്നാല്‍ വൈകിട്ടോടെ പലതും ചത്തുപൊങ്ങുകയായിരുന്നു. ചെട്ടിയാര്‍ കുളത്തില്‍ നിക്ഷേ   പിച്ച മത്സ്യകുഞ്ഞുങ്ങളില്‍ ചിലതും ചത്തുപൊങ്ങിയിട്ടുണ്ട്.
ശുദ്ധജലത്തില്‍ ജീവിക്കുന്ന മത്സ്യകുഞ്ഞുങ്ങള്‍ കുളത്തിലെ ജലവുമായി പൊരുത്തപ്പടാനാവാത്തതാണ് ചത്തുപൊങ്ങാന്‍ കാരണമെന്ന് സംശയിക്കുന്നു.
നിക്ഷേപിക്കുന്ന കുഞ്ഞുങ്ങളില്‍ പത്തുശതമാനവും ചത്തുപോകുന്നത് സ്വാഭാവികമാണെന്ന് ഫിഷറിസ് അധികൃതര്‍ പറഞ്ഞു.