കണ്ണൂര്‍: സംസ്ഥാന സംസ്‌കൃത ദിനാചരണം സംസ്ഥാനതല സമാപനം കണ്ണൂര്‍ ജൂബിലി ഹാളില്‍ നാളെ രാവിലെ 10ന് മന്ത്രി കടന്നപ്പള്ളി രാമചന്ദ്രന്‍ ഉദ്ഘാടനം ചെയ്യും. ജില്ലാ പഞ്ചായത്ത് പ്രസിഡന്റ് കെ.വി സുമേഷ് അധ്യക്ഷനാകും. സംസ്‌കൃത പണ്ഡിതരായ ടി.കെ കൃഷ്ണന്‍ നമ്പ്യാര്‍, ഡോ. വി ഗോവിന്ദന്‍ നമ്പൂതി, ഡോ. പി മനോഹരന്‍ എന്നിവരെ ആദരിക്കും. പൊതുവിദ്യാഭ്യാസ ഡയരക്ടറേറ്റ് ജോയിന്റ് ഡയരക്ടര്‍ ആര്‍.എസ് ഷിബു സമ്മാനദാനം നടത്തും. വാര്‍ത്താസമ്മേളനത്തില്‍ ഡി.ഡി.ഇ(ഇന്‍ചാര്‍ജ്) സി.പി പത്മരാജ്, യു കരുണാകരന്‍, പി.ഐ സുഗുണന്‍, വി.ജെ.പി നാരായണന്‍, സി.പി സനല്‍ ചന്ദ്രന്‍ പങ്കെടുത്തു.