മുഹമ്മദിനായി പെയ്തത് കനിവിന്റെ പെരുമഴ; മലയാളികള് നല്കിയത് 46.78 കോടി രൂപ
കണ്ണൂര്: സ്പൈനല് മസ്കുലാര് അട്രോഫി (എസ്.എം.എ) ചികിത്സയ്ക്കായി കണ്ണൂര് മാട്ടൂലിലെ മുഹമ്മദിന് ലഭിച്ചത് 46.78 കോടി രൂപ. 7,70000 പേരാണ് മുഹമ്മദിന്റെ വേദനയറിഞ്ഞ് പണമായി പെയ്തത്.
മുഹമ്മദിന്റെയും സഹോദരി അഫ്രയുടേയും ചികിത്സയ്ക്കാവശ്യമായ തുക മാറ്റിവെച്ച ശേഷം ബാക്കി തുക എസ്.എം.എ ബാധിച്ച മറ്റ് കുട്ടികള്ക്ക് മരുന്ന് വാങ്ങാനായി നല്കുമെന്ന് എം.വിജിന് എം.എല്.എ അറിയിച്ചു.
അഞ്ച് ലക്ഷം രൂപയാണ് അക്കൗണ്ടില് ഒറ്റത്തവണയെത്തിയ ഏറ്റവും വലി തുക. ഏറ്റവും കുറഞ്ഞ തുക ഒരു രൂപയും.
അപൂര്വ്വ രോഗത്തിനുള്ള 18 കോടിയുടെ മരുന്ന് അടുത്ത ആഴ്ച്ച എത്തും. ആറ് ദിവസം കൊണ്ടാണ് ഇത്രയധികം തുക ലഭിച്ചത്. എല്ലാവരുടേയും സഹായത്തിന് നന്ദി അറിയിക്കുന്നതായും മുഹമ്മദിന്റെ കുടുംബം വ്യക്തമാക്കി.
പേശികളെ ക്ഷയിപ്പിക്കുന്ന സ്പൈനല് മസ്കുലര് അട്രോഫി എന്ന അപൂര്വ രോഗമാണ് ഈ മുഹമ്മദിനെ ബാധിച്ചിരിക്കുന്നത്. ഈ രോഗത്തെ ചികിത്സിക്കാന് സോള്ജെസ്മ എന്ന മരുന്നാണ് വേണ്ടത്. 18 കോടിയോളം ചെലവാക്കിയാല് മാത്രമേ ഈ മരുന്ന് ഇന്ത്യയില് എത്തുകയുള്ളൂ.
Comments (0)
Disclaimer: "The website reserves the right to moderate, edit, or remove any comments that violate the guidelines or terms of service."