മീലാദ് സംഗമം അജ്മാനില്‍ സയ്യിദ് ജിഫ്‌രി മുത്തുക്കോയ തങ്ങള്‍ ഉദ്ഘാടനം ചെയ്യും

എസ്.കെ.എസ്.എസ്.എഫ് ചൊവ്വല്ലൂര്‍പടി മേഖല കമ്മിറ്റി സംഘടിപ്പിക്കുന്ന മീലാദ് സംഗമം 2023 ഇന്ന് അജ്മാന്‍ ഉമ്മുല്‍ മുഅ്മിനീന്‍ ആഡിറ്റോറിയത്തില്‍ വച്ച് നടക്കും. വൈകീട്ട് 4 മണിക്ക് മൗലൂദ് പാരായണത്തോടെ ആരംഭിക്കുന്ന സംഗമം സമസ്ത കേരള ജംഇയ്യത്തുല്‍ ഉലമയുടെ പ്രസിഡന്റ് സയ്യിദ് ജിഫ്‌രി മുത്തുക്കോയ തങ്ങള്‍ ഉദ്ഘാടനം ചെയ്യും.

കൂടാതെ സമസ്ത കേന്ദ്ര മുശാവറ അംഗം അബ്ദുള്‍ സലാം ബാഖവി വടക്കേകാട്, എസ്.കെ.എസ്.എസ്.എഫ് യു.എ.ഇ നാഷണല്‍ പ്രസിഡന്റ് ശുഹൈബ് തങ്ങള്‍ തുടങ്ങിയ പ്രമുഖര്‍ പങ്കെടുക്കും. തിരുനബി സ്‌നേഹം, സമത്വം, സഹിഷ്ണുത എന്ന പ്രമേയത്തില്‍ പ്രമുഖ പണ്ഡിതനും വാഗ്മിയുമായ ഹാഫിള് അഹമ്മദ് കബീര്‍ ബാഖവി കാഞ്ഞാര്‍ മുഖ്യപ്രഭാഷണം നടത്തും.