കോട്ടയം: ഓടുന്ന ബസില്‍ നിന്ന് വിദ്യാര്‍ഥി തെറിച്ചു വീണ സംഭവത്തില്‍ നടപടി. ബസ് പൊലീസ് പിടിച്ചെടുത്തു. ചിങ്ങവനം റൂട്ടിലോടുന്ന ചിപ്പി ബസാണ് പിടിച്ചെടുത്തത്. തിരുവന്ഞ്ചൂര്‍ രാധാകൃഷ്ണന്‍ എം.എല്‍.എ സംഭവത്തില്‍ നടപടിയെടുക്കാന്‍ പൊലിസിന് നിര്‍ദേശം നല്‍കിയിരുന്നു.

തുടര്‍ന്നാണ് കേസെടുത്ത് ബസ് കസ്റ്റഡിയിലെടുത്തത്. കേസ് രജിസ്റ്റര്‍ ചെയ്ത് തുടര്‍ നടപടികള്‍ സ്വീകരിക്കാനാണ് പൊലീസിന്റെ തീരുമാനം. ഡ്രൈവറുടെ ലൈസന്‍സ് റദ്ദാക്കാനുള്ള നടപടികളുമായി ആര്‍ടിഒയും മുന്നോട്ടു പോകുന്നുണ്ട്.

ഇന്നലെ വൈകുന്നേരം നാലു മണിയോടുകൂടിയായിരുന്നു സംഭവം. പാക്കില്‍ സിഎംഎസ് സ്‌കൂളിലെ എട്ടാം ക്ലാസ് വിദ്യാര്‍ഥി അഭിരാമാണ് ബസില്‍ നിന്ന് തെറിച്ചു വീണത്.