മണ്ണാര്‍ക്കാട്: ഓപ്പറേഷന്‍ അനന്തയുടെ തുടര്‍ പ്രവര്‍ത്തനങ്ങള്‍ അനന്തമായി നീളുന്നതില്‍ പ്രതിഷേധിച്ച് മുസ്‌ലിം യൂത്ത് ലീഗ് മണ്ണാര്‍ക്കാട് മണ്ഡലം കമ്മിറ്റി താലൂക്ക് ഓഫിസ് മാര്‍ച്ച് നടത്തി.
നെല്ലിപ്പുഴ ജങ്ഷനില്‍ നിന്നും വ്യാഴാഴ്ച രാവിലെ 11 ഓടെ ആരംഭിച്ച മാര്‍ച്ച് കോടതിപ്പടിയില്‍ പൊലിസ് തടഞ്ഞു. പൊലിസും പ്രവര്‍ത്തകരും തമ്മിലുണ്ടായ ബലപ്രയോഗത്തിനിടെ സി. ഷഫീക്ക് റഹ്മാന് ലാത്തികൊണ്ട് പരുക്കേറ്റു. വട്ടമ്പലത്തെ സ്വകാര്യ ആസ്പത്രിയില്‍ പ്രവേശിപ്പിച്ചു.
സംഭവവുമായി ബന്ധപ്പെട്ട് മണ്ണാര്‍ക്കാട് പൊലിസ് എസ്.ഐ ഷിജു. കെ എബ്രഹാമിന് പരാതി നല്‍കി.
പ്രതിഷേധ മാര്‍ച്ച് കളത്തില്‍ അബ്ദുല്ല ഉദ്ഘാടനം ചെയ്തു. അര്‍സല്‍ എരേരത്ത് അധ്യക്ഷനായി. എം. അബൂബക്കര്‍ സ്വാഗതവും, ട്രഷറര്‍ കെ.ടി അബ്ദുല്ല നന്ദിയും പറഞ്ഞു.